Великобританиа
Великобританиа – аҭоурых дуи иџьашьахәу акультуреи аҵасқәеи змоу тәылоуп. Урҭ ҿион аамҭа ауадаҩрақәа ириааиуа шәышықәсала. Ари атәыла ақәҿиарақәа зыбзоуроу ҳәа иԥхьаӡоу аҵара ауп. Араатәи аҵара адунеи аҿы зегьы реиҳа зхаҭабзиара ҳараку иреиуоуп. Иахьатәи Англиа аҵакырадгьыл аҿы раԥхьатәи ашколқәа аартын Римтәи аимпериа ахаан. Абжьаратәи ашәышықәсқәа рзы аус руан усҟантәи аамҭала аҵара бзиа ахьроуаз аҵараиурҭақәа. Аҵара асистема ҷыдарас иаман аҵасқәа реиқәырхара, амаҭәарқәа зегьы ирызкны адыррақәа реизакра (асистема рзура), астудентцәа иалырхыз азанааҭ ала инарҵауланы разыҟаҵара. Англиатәи аҵараиурҭақәа рдипломқәа адунеи аҿы зегьы реиҳа ҳаҭыр зқәу иреиуоуп, убри аҟнытә аҭаацәа рҽазыршәоит рхәыҷқәа аҵара аҵара Иеидҵоу Акоролевство аҵакырадгьыл аҿы иҟоу ашколқәа – апансионқәа, аколлеџьқәа рахь рышьҭра.
Изауада иеиҳау аҵара Великобританиа?
Иазгәаҭатәуп Великобританиа акорольцәа рҭаацәарақәа рлахәылацәа (рхәыҷқәа) иеиҳау аҵара дара ртәылаҿы ишроуа. Ҿырԥштәыс иаагозар, апринц Чарльз Кембридж ихьчеит аусумҭа аҟазара амагистр ҳәа аҩаӡара иауразы, уи иԥа апринц Уильиам Шотландиа – St. Andrews ҳаҭыр зқәу аҵареиурҭақәа руак аҿы иҵара хиркәшоит.
Иеицырдыруа ауаа жәпаҩык иеиҳау аҵара иазку адипломқәа атәыла ауниверситет ԥхьагылақәа рҿы ироуеит. Иаҳа иеицырдыруа Оксфордтәи ауниверситет аушьҭымҭацәа иреиуоуп Маргарет Тетчер, иара убас Тони Блер. Урҭ иеиуеиԥшымыз аамҭақәа рзы Великабританиа аԥыза-министр имаҵура ааныркылон. Ари аҵараиурҭа иалгеит: АИА (Америка Иеиду аштатқәа) анкьатәи апрезидент Билл Клинтон, ашәҟәыҩҩцәа Льиуис Керолл, Оскар Уаильд. Иеицырдыра Imperial Coollege London даушьҭымҭоуп ашәҟәыҩҩы – афонтаст Герберт Уеллс. Великобританиа иалшо зегьы ҟанаҵоит иара ахьӡ-аԥша ашьҭыхразы (аҳаракразы, аламырҟәразы). Уи азхиоуп иеиуеиԥшым атәылақәа рҟынтәи аԥеиԥш бзиа змоу астудентцәа рыдкылара. Астатистика иарҵабыргуеит 1,8 миллион астудентцәа Великобританиа аҵара шроуа, урҭ рҟынтәи 104 нызықьҩык астудентцәа аҳәаанырцәтәи атәылауаа роуп. Иеиҳау аҵараиурҭақәеи ашколқәеи рҿы имҩаԥысуеит аиҳабыра ишьақәдыргылаз аус зуа аҵаратә программақәа зегьы иааидкыланы ргәаҭара.
Астудентцәа иаҳа иалырхуа ахырхарҭақәа иреиуоуп: аҟазара, аекономика, археологиа, амаркетинг, азоологиа, амедицина убас егьырҭгьы. Дарбанзаалак астудент иалихырц илшоит иара илшарақәа аазырԥшуа, аԥхьаҟатәи иус шьаҭас иаиуа ахырхарҭа (азанааҭ). Аҵараҿы алҵшәа бзиақәа аазырԥшуа астудентцәа ироуеит афинанстә цхыраара аҳәынҭқарраҟынтәи, иара убас аҭҵаарақәа рымҩаԥгаразы аԥаратә хархәагақәа (цхыраагӡақәа). Имаӡам Урыстәылантәи иеицырдыруа ауаа рхәыҷқәа иеиҳау аҵара аиуразы Англиаҟа ишцо. Ҳаҭыр зқәу, хьӡи-ԥшеи згым ауниверститетқәа иреиуоуп Оксфордтәи ауниверситет, Лондонтәи аконсерваториа, ашкол ҷыдақәа уҳәа убас иҵегьы. Аҭаларатә ԥышәарақәа қәҿиарала рыҭирази аицлабратә лԥшаара ахысрази абитурентцәа (аҭалаҩцәа) иаадырԥшыроуп амаҭәар иазку адырра бзиақәа, аҳаҵҳаҵара, абаҩхатәра ҷыда.
Англиатәи ауниверситетқәа рҿы арҵара аԥеиԥшқәа
Зхаҭабзиара ҳараку аҵара иунаҭоит аԥхьаҟа аԥсҭазаара бзиеи аусурҭа бзиеи. Истудентцәахараны иҟоу аҵаҩцәа ашкол ианҭоу иалырхыроуп аԥхьаҟа рхы иадырхәаша азанааҭ, игәцаракны ирҵалароуп ирзаанаҭхараны иҟоу иадҳәалоу амаҭәарқәа. Великобританиа аҵакырадгьыл аҿы аус руеит аҳәынҭқарртә ҵараиурҭақәеи ахатә ҵараиурҭақәеи. Адунеи зегьаҟынтәи абитурентцәа рҽазыршәоит англиатәи ауниверситетқәеи аколлеџьқәеи рҭалара.
Арҵара ԥыжәарақәас иамоу:
- аҭҵаарадырратә ҩаӡарақәеи, иеиҳау азыҟаҵареи (аквалификациеи), аԥышәеи змоу арҵаҩцәа мацара;
- аудиториақәа ибзианы реиқәыршәара, акомпиутертә техника ахархәара;
- иактуалтәу арҵаратә программақәеи ҳаамҭазтәи арҵаратә курсқәеи;
- идуум агәыԥқәа, хаҭа-хаҭала азнеира апринцип анагӡара.
Ашколқәа роушьҭымҭацәа реиҳараҩык аҵара ахьроуа англиатәи ауниверситетқәа рҿы ауп. Ҷыдала ахшыҩзышьҭра аҭатәуп ашколқәа реиҳарак ақалақь аҭоурыхтә хәҭақәа рҿы ма атәыла араион ԥшӡақәа рҿы ишыҟоу. Аҵараиурҭақәа рҵакырадгьыл аҿы имҩаԥысуеит аклассанҭыҵтәи ауснагӡатәқәеи, аспорттә уснагӡатәқәеи, акрикети ,арегби, ашьапылампыласреи ирызку аиԥыларақәа рацәаны. Аҵаҩцәа рхалаҿиара иацхраауеит абызшәақәа ирызку апрограммақәа ,азанааҭтә курсқәа ахатә школқәа рышьаҭала (рыцхыраарала).
Аҩадатәи Ирландиа ма Великобретаниа англыз бызшәа ибзианы аҵара иулнаршоит (иунаҭоит алшара) англыз бызшәа зхатәы бызшәоу ауаа ркультуреи, ртәыла аҭоурыхи ибзианы адырра, урҭ лассы-лассы рацәажәара. Англыз бызшәа аҵарази уи иазкны аԥышәара аҭирази иҟоуп апрограмма ҷыдақәа.
Аҵара анышәҵо ижәбар (шәырҭаар) шәылшоит англиатәи ақалақьқәа – Лондон, Белфаст, Глазго, Кардифф, иара убас аҭоурыхтә центрқәа, Шекспири адунеи аҿы иеицырдыруа агруппа Битлзи рыԥсадгьыл. Англичанцәа – ҳаҭырла иуацәажәо, угәцаразкуа уаауп. Урҭ рацәажәара даара аинтерес аҵоуп. Урҭ шәара ишәыцхраауеит рҵасқәеи ркультуреи рдырраҿы (рҵараҿы). Британиатәи аҵара ахә ҳаракны иршьоит адунеи иеиуеиԥшым атәылақәа рҿы. Уи зегьы реиҳа ҳаҭыр зқәу, аԥеиԥш змоу ҳәа иԥхьаӡоуп. Зхаҭабзиара ҳараку аҵара аԥхьаҟа аусурҭа бзиа аиура иашьҭоуп, баҩхатәраарыԥшыгоуп, аҭҵаарадырратә аартрақәа цаԥхас ирымоуп.
