Швецариа – ари Европа иҟоу, рацәак идуум тәылоуп. Уи аӡбахә ануаҳауа, иаразнак ухаҿы иааиуеит атехнологиа ҳаракқәа, абанкқәа, аҭышәынтәалара. Ара аԥсҭазаара аҩаӡара ҳаракуп ,арахь атуристцәа рацәаҩны иаауеит, урҭ арантәи ианцо иргоит аҭыԥантәи ашәи ашоколади – урҭ иҷыдоу фатәқәоуп ари атәылаҿы.

Швеицариа – ари аихьӡара бзиақәа змоу тәылоуп. Ара иҟоуп аҭагылазаашьа бзиақәа аҭыԥантәи ауааԥсыра рзы еиԥш, атуристцәа рызгьы. Ари зегьы иреиӷьу тәылоуп ҳәа ирыԥхьаӡоит аҳәаанырцәынтәи иаауа ауаа рынхаразы. Ари амилаҭқәа рацәаны изқәынхо ҳәынҭқарроуп. Уи шьақәгылоуп 26 кантон рыла. Урҭ рҟынтәи 3 кантонбжақәоуп. Арҭ акантонқәа аԥҵахеит ҭоурыхла. Иарбан кантонзаалак иамоуп ахатә ҵасқәа. Ажәытәан аконтонқәа рҿы ауаа иеиуеиԥшым абҩызшәақәа рыла ицәажәон.

Швеицариа – ачҳара ду аазырԥшуа тәылоуп. Уи иҿырԥшыгоу тәылоуп адунеи зегьы аҿы. Иахьатәи аамҭазы атәыла ауааԥсыра хада шоит ԥшь-етникатә гәыԥк рыла: ашвеицариатә етникатә гәыԥ, аиталиан етникатә гәыԥ, афранцыз етикатә гәыԥ, анемец етникатә гәыԥ. Ара дәыӷбала еимудар улшоит иеиуеиԥшым атәыла арегионқәа. Аҭыԥантәи алегенда ишаҳәо ала, Анцәа амаденқәа анишоз, Швецариа акагьы аимҭеит (ус иаанхеит).

Убри аҟынтәи уи иаиуит аԥсабара беиа. Ари аӡиа цқьақәеи, аӡхыҽҽақәеи (арҩашқәеи), адәы иаҵәақәеи змоу шьха тәылоуп. Ари адунеи аҿы зегьы реиҳа иԥшӡоу атәылақәа ируакуп.

Ари атәыла иблахкыгоу, асасдкылара иазыхиоу тәылоуп ашықәс аамҭақәа зегьы раан. Атәыла иамоу аԥсабаратә беиарақәа ирыбзоураны ара аҟазаара еснагь угәы аҳәоит. Аҭаацәа аӡәырҩы ирҭахуп аԥхын рхәыҷқәа Швеицариаҟа ирышьҭыр абызшәатә лагерқәа руак ахь, урҭ ара рыԥсгьы ршьарц азы, ирҭаху абызшәагьы рҵарц азы. Абызшәатә лагерқәа рҿы ахәыҷқәа ирҵар рылшоит иеиуеиԥшым абызшәақәа: англыз, аиталиан, анемец, афранцыз бызшәақәа. Аҭыԥантәи алагерқәа рыӡбахә зегьы ираҳахьеит, убри аҟнытә алагерқәа руак аҿы аҭыԥ аанкылара иашьҭалатәуп ҭагалан нахыс. Ара абызшәақәа ахьырҵо ашколқәа уиаҟара ирацәаӡам, убри аҟнытә аҭыԥқәа ирласны иааныркылоит. Швецариатәи аҵара ҳаҭыр зқәу акы акәны иаанхоит акыр шәышықәсқәа раахыс. Ара аҵара рҵоит абизнесменцәеи аполитикцәеи рхәыҷқәа. Аратәи ашколқәа руак иалго аҵаҩы дҭалар илшоит адунеи аҿы иҟоу иеиҳау ҵареиурҭак. Ахәыҷқәа ашколқәа рҿы аҵара аҵара анаҩсгьы урҭ ҽазҵәылыхла аспорт рҽазыҟарҵоит.

Ара бзиа ирбо аспорт хыкқәа иреиуоуп амаланыҟәа арныҟәара, ашьхаҿы ашәаҩатә спорт, атеннис уҳәа убас иҵегьы. Ара анхаразы аҭагылазаашьа бзиақәа аԥҵоуп.

Ашколқәа раушьҭымҭацәа аӡәырҩы ирҭахуп рҵара Швеицариа иацырҵарц, избанзар ара иҟоуп аҭагылазаашьа бзиақәа зхаҭабзиара ҳараку аҵара аиуразы. Ари атәылаҿы иуоуа иеиҳау аҵара иазку адиплом иунаҭоит алшарақәа рацәаны, уи змоу зехьынџьара дрыдыркылоит.

Ари атәылаҿы арҵараҿы аԥхьагылара змоу хырхарҭоуп ашколқәеи аинститутқәеи рҿы иддырҵо асасааирҭатә бизнес. Швецариа ирҵоит иара убас абанкири афинансисти рзанааҭқәа убас иҵегьы.

Атуризми асасааирҭатә бизнеси русхкқәа рганахьала азанааҭуаа разыҟаҵара аԥеиԥш бзиа амоуп. Швеицариа зегьы раԥхьаӡа акурортқәа аазыртыз, аԥсшьаразы аҳәаанырцәтәи атуристцәа зыдкылара иалагаз тәылоуп.

Швеицариа ашколи иеиҳау аҵараиурҭеи иалгаз ауаҩы атәылауаҩра аиуразы ауадаҩрақәа (апроблемақәа) дрықәшәаӡом. Аҳәаанырцәтәи астудентцәа атәылауаҩра имарианы ироуеит. Урыстәылантәи ирацәаҩуп ара аҵара зҵо астудентцәа, урҭ рҟынтәи иҟоуп аҵара ианалгалак ,ара иаанхарц, аратәи атәылауаҩра зоурц зҭаху, иҭышәынтәалоу, зеканомика ҿиахьоу, аԥсҭазаара аҩаӡара ахьаҳараку атәылаҿы инхарц зҭаху.

Швеицариа – амилаҭрацәа ахьынхо тәылоуп. Уи уадаҩрада иаднакылоит аҳәаанырцәуаа, еиҳаракгьы аԥхьаҟа атәыла ашәҭра иацхраауа, аҵара аҵареи аусуреи иазыхиоу астудентцәеи аҿари.

Ара иҟам аекономикатәи аекологиатәи проблемақәа. Ара иаԥҵоуп аҭагылазаашьа бзиақәа аԥсҭазааразы.