Алада – Африкатәи Ареспублика – ари зеиԥш ыҟам аԥсабареи амилаҭтә ҵасқәеи змоу, даҽакы иеиԥшым тәылоуп. Уи шьҭоуп Африка аладатәи ахәҭаҿы. ААА девизс иаиуит: «Иеиуеиԥшым ауаа рҽеидыркылоит». Ари адевиз иаанарԥшуеит атәыла аҷыдара. Ара иуԥылоит Азиеи Европеи рхаҭарнакцәа. Ашьагәыҭ уааԥсыреи дареи ҳәоуеиқәшәарала, ҟыҟҿыҟда иеицынхоит. Адәылаҿы рымаҵ руеит иеиуеиԥшым арелигиақәа (адинқәа) 10 (жәаба). Африка жәларқәа ржәытә ҟазареи ҳаамҭазтәи артистцәа рырҿиамҭақәеи рҽеидырҵеит.

Аҵыхәтәантәи ашықәсқәа рзы ААА иахнагеит арасатә ҳәоуеиқәымшәарақәа ирыдҳәалаз атәылауаҩратә еибашьрақәеи аколониатә аамҭеи, иацәцеит апартеид. Иахьа ари атәылаҿы иҟоуп аҭынчра, ахьыԥшымра, аиҟарара иеиуеиԥшым арассақәа, амилаҭқәа, абызшәақәа, адинқәа шыҟоугьы.

ААА «Ацәаҟәаԥшшәы змоу аҳәынҭқарра» ҳәа иашьҭоуп, иара иамоу аҷыдарақәа азгәаҭаны.

ААА иамоуп африкатәи аконтинент аҿы зегьы реиҳа иҿиахьоу атәыла астатус. Уи аҵанакуам ахԥатәи адунеи атәылақәа рахь, ирласны иацнаҵеит аекономикатә лшарақәа, активла иарҿиоит аџьармыкьа.

Атәылаҿы иҟоуп аԥсабаратә ресурсқәа, ара иаԥҵоуп аҭагылазаашьа бзиақәа абзинес амҩаԥгареи арҿиареи рзы. Урҭ зегьы ирыбзоураны аҵара асистема иаҳа-иаҳа иеиӷьхоит, иҿиоит аҵараиурҭақәа.

Иазгәаҭатәуп есышықәса ААА аиҳабыра аҳәынҭқарратә харџьқәа рҟынтәи аҵара асистема ахаҭабзиара аҳаракрази аҵараиурҭақәа реиқәыршәарази 20% ахарџьқәа шыҟарҵо. Атәылаҿы иҟоу ашколқәа рҟынтәи 15% ахатә усбарҭақәа рахь иаҵанакуеит. Аҳәынҭқарратә школқ́еи ахатә школқәеи рҿы арҵара ахаҭабзиара еиԥшуп.

Арҵара иманшәалоу ҷыдарақәас иамоу иреиуоуп ашколқәеи аколлеџьқәеи рааигәара аплиажқәа, акрокадилтә фермақәа, аҭыԥ ԥшӡарақәа ахьыҟоу. Урҭ зегьы рҭаара аныҟәаратә программақәа ирылоуп. Астудентцәеи атуристцәеи ирбар рылшоит зеиԥшыҟам аԥсабара асахьақәа, архитектура абаҟақәа. Ахатә школқәа рысасцәа ирыдыргалоит акрыфара бзиа, астудентцәа рзеиԥшынхарҭа.

Аиҳабыратәи аклассқәа рҿы аҵаҩцәа азыҟарҵоит ауниверситетқәа рҭалара. Аҵаҩцәа ауниверситетқәа ирҭалар рылшоит астандарт TOEFL мa IELTS аклассикатә тести даҽа ҭаларатә ԥышәарақәаки қәҿиарала ианырҭилак. Абжьаратә школ аҵаҩцәа ирнаҭоит зхаҭабзиара ҳараку азыҟаҵара. Егьырҭ атәылақәа рҟынтәи аҵара зҵо астудентцәа аҵара рҵоит англыз программа ала.

ААА иеиҳау аҵара система иунаҭоит алшара иуҭаху амаҭәарқәа ралхра. ААА аус ауеит 24 университети заанаҭк ахьуоуа атехникумқәеи. Адунеи аҿы зегьы реиҳа иеицырдыруа ҵараиурҭақәоуп Нельсон Манделла ихьӡ зху ауниверситети Преториеи Кеиптауни руниверситетқәеи. Арҭ иеиҳау аҵареиурҭақәа рҭалара ҳаҭыр ақәуп. Урҭ рҿы иуоуа аҵара иунаҭоит алшара аԥхьаҟа иеиуеиԥшым аусхкқәа рҿы қәҿиарала аусура.

Аҵараиурҭақәа рыхәҭак аус рыцнауеит адунеи иеиуеиԥшым атәылақәа ркорпорациа нагақәа. Урҭ роушьҭымҭацәа лассы-лассы ООН Асамблеиеи егьырҭ аиҿкаарақәеи ирлахәылацәахоит.

ААА аҵакырадгьыл аҿы аҳәаанырцәуаа рзы иеиҿкаауп англыз бызшәа арҵара иазку акурсқәа. Урҭ акурсқәа рыбзоурала астудентцәа англыз бызшәазы рдыррақәа еиӷьыртәуеит, ирҵоит атәыла акультуреи аҵасқәеи. Акурсқәа рыхә дуӡам. Уи ААА арҵара аҷыдара хадақәа ируакуп.